Departamenti i Legjislacionit dhe Koordinimit ka për qëllim dhënien e asistencës juridike për projekt-aktet dhe materialet e dërguara në adresë të Këshillit të Ministrave, si dhe koordinimin me drejtoritë dhe zyrat juridike të ministrive dhe institucioneve të tjera qendrore, për përgatitjen dhe paraqitjen për shqyrtim në mbledhjen e Këshillit të Ministrave, të këtyre projekt-akteve. Një asistencë e tillë është e rëndësishme pasi garanton ligjshmërinë dhe uniformitetin vendimmarrës të Këshillit të Ministrave dhe rrit eficencën në përgatitjen e projekt-akteve, nëpërmjet punës koordinuese.
Mendimi juridik dhe asistenca ligjore e koordinuese e Departamentit të Legjislacionit dhe të Koordinimit, përbën një kontribut të domosdoshëm dhe të rëndësishëm për marrjen e vendimeve, brenda kompetencave të njohura me ligj, nga Sekretari i Përgjithshëm i Këshillit të Ministrave.
